Ich hebe meine Augen auf ... , 22. Mai
Im Jodellied zum geschtrige Newsletter heisst es am Schluss i der letschte Strophe: "De schicken i vor Spitze Flueh zum Dank e Jutz em Himmel zue.
Passend derzue der Ygangsvärs us em 121. Psalm.
Gärn tuen ig Öich dä Psalm zur Lektüre empfähle. Ei Värs drus isch geschter ou i der Sägensfyr zur Sprach cho, wo mir für d Schüelerinne und Schüeler vo der KUW 8+9 geschter i der Chiuche gfyret hei. E Teil vo ihne hätte ja geschter ihri Konfirmation gfyret. Mir hoffe fescht, dass mir i knapp am ene Jahr no e guete Abschluss wärde finde und mir hei nis ungerdesse dene Wort abefole, wo am Schluss vo Psalm 121 stöh:
Gott bhüetet dys Läbe; er bhüetet di bym Furtga und bym Heicho,
vo jetz aa und für ewig und geng.
Bhüet Gott ou Öich aui zäme!