Mir si vo dere Nachricht grad e chly uf em lätze Fuess verwütscht worde, hei mir doch fescht dermit grächnet, dass mir d Gottesdienschttätigkeit früechschtens ab em 8. Juni wieder chöi ufnäh. Um so positiver si mer überrascht und plane jetz so schnäll wie möglech, was für Schritte, mir richtig ordentlechi Gottesdienschttätigkeit chöi ungernäh. Mir wärde Öich so bald wie möglech drüber informiere.

Syt denn dass am 15. März d Massnahme gäge d Usbreitig vo däm Virus i Chraft trätte si, het vor em Pfarrhusspycher au Abe e Cherze brönnt. Sie het möge düreghaute bis zwe Tag, nachdäm vom Bundesrat die Nachricht zur Lockerig vermäldet worde isch. Mir lö e nöji Cherze no es paar Tag la wyterbrönne. Ganz im Sinn vom Wort us em 119. Psalm 

Dys Wort isch es Liecht für myni Schritte und uf mym Wääg e hälle Schyn.

Psalm 119,105